Anësori i Inter, Federico Dimarco, ashtu si tifozët dhe e gjithë skuadra e tij ka mbetur i zhgënjyer nga humbja në finalen e Superkupës, në derbin ndaj Milan. Zikaltërit u mundën 2-3 pasi shpërdoruan avantazhin 0-2 që kishin pas një ore lojë.
“Ne pamë se çfarë ndodhi në fushë. Nuk mund të humbasim një ndeshje si kjo, por duhet të rifillojmë fuqishëm sepse ka objektiva të tjera për t’u arritur”, tha Dimarco.
“Kemi fituar tri Superkupat e fundit radhazi. Dje u përballëm me një kundërshtar të fortë si Milan dhe i përgëzoj për fitoren. Këto disfata na ndihmojnë të rriteni. Pati mundësi nga të dyja palët, ne mund ta mbyllnim në 2-0, pastaj ata bënë 2-1 dhe loja u rihap”, tha Dimarco.
Më tej, anësori zikaltër shtoi: “Në këto ndeshje finale vlejnë shumë episodet. Në ishin më të mirë, ndaj duhet të shohim menjëherë përpara edhe nëse na dhemb. Jemi Inter dhe duhet të rikthehemi menjëherë”.
“Kjo disfatë mund të kalohet vetëm duke fituar ndeshjet e tjera dhe fitojmë trofetë e tjetër të mbetur. Nga e diela do të duhet të hyjmë në fushë për të provuar të fitojmë”, u shpreh Federico Dimarco.
