Komisioni Qendror i Zgjedhjeve në Kosovë ka përditësuar të dhënat e saj, sa i përket numërimit të votave nëpër përfaqësitë diplomatike.
Sipas të dhënave të fundit, rezulton se Lëvizja Vetëvendosje ka marr 80.75 për qind, ose 10.898 vota. Në vendin e dytë është Partia Demokratike e Kosovës me 1.010 vota apo 7.48 për qind. Lidhja Demokratike e Kosovës ka fituar katër vota më pak se PDK-ja, përkatësisht 1.006 apo 7.45 për qind të votave.
Ndërkaq, koalicioni Aleanca për Ardhmërinë e Kosovës, Nisma Socialdemokrate, Konservatorët e Intelektualët me 1.93 për qind apo 260 vota. Numërimi i votave nga diaspora për zgjedhjet e rregullta parlamentare të 9 shkurtit ka nisur pasditen e 26 shkurtit.
Deri më tani janë numëruar 40 nag 43 vendvotime të votave që kanë ardhur nga selitë diplomatike të botës. Gjithsej në procesin e votimit jashtë vendit në ambasada dhe konsulata morën pjesë në votim 15,352 shtetas të Kosovës që u regjistruan për votim fizik në përfaqësi diplomatike.
Pas numërimit të votave në përfaqësi diplomatike, do të nisë numërimi i votave me postë të ardhura nga diaspora. Komisioni Qendror i Zgjedhjeve synon të shpallë rezultatet përfundimtare deri më 5 mars dhe t’i certifikojë ato deri më 18 mars.
