Kreu i Shoqatës së Operatorëve Turistikë të Sarandës, Arben Çipa, është sulmuar fizikisht nga dy persona gjatë orëve të pasdites.
Në një video të publikuar nga vetë ai, Çipa shfaqet i gjakosur në fytyrë dhe shpjegon se ngjarja ndodhi teksa po shkonte në punë. Sipas tij, sulmuesit ishin të lidhur me një projekt biznesi për të cilin kishte pasur kundërshti.
Çipa tregon se një nga autorët, Dio, administrator i “For Elements”, i preu rrugën bashkë me një person tjetër. Pas një debati verbal, situata degradoi në dhunë fizike brenda në makinën e tij.
Ai thotë se u qëllua me grushta dhe gurë, duke mos pasur mundësi të mbrohej. Sulmi i shkaktoi lëndime në gjithë trupin, ndërsa e përdori videon si provë për të dokumentuar atë që ndodhi. Çipa kërkon që ngjarja të hetohet dhe përgjegjësit të mbajnë llogari për sulmin.
