Repreri Rigels Rajku i njohur me emrin e artit Noizy është vetëdorëzuar ditën e sotme në Policinë e Pejës në Kosovë.
Ai ka shkuar në komisariat rreth orës 10:30 i shoqëruar nga avokati i tij. Reperi do të pyetet nga hetuesit si i dyshuar se ka marrë pjesë në dhunimin e personazhit të TikTok Medi Iseni, ngjarje e ndodhur disa muaj më parë në një klub nate në Pejë.
Noizy ishte atje për një koncert, kur personazhi i TikTok dhe miku i tij u dhunuan fizikisht nga një grup të rinjsh. Mes tyre dyshohet të ketë qënë edhe Noizy.
Kujtojmë se në policinë e Kosovës është dorëzuar para pak ditësh edhe reperi tjetër Arkimed Lushaj i njohur si Stresi, për të njëjtin rast. Dorëzimi i tij erdhi pas qëndrimit në arrati që nga muaji gusht.
