Pandeli Nakoleci, autori i vrasjes së gruas së tij, Marjola Nakoleci, 36 vjeçe, vijon të jetë i lirë, ndërsa autoritetet greke po punojnë për kapjen e tij. Ndërkohë, detaje të reja janë zbardhur lidhur me ngjarjen që tronditi sot komunitetin e Volosit në Greqi.
Mediat greke raportojnë se një mesazh në celularin e viktimës ishte ai që solli veprimin fatal të 40-vjeçarit shqiptar, Pandeli Nakoleci, i cili ishte xheloz dhe dyshonte se ajo kishte një lidhje të jashtëmartesore. Vajza 16-vjeçare e çiftit zbuloi se 40-vjeçari ishte xheloz për nënën e saj dhe për një kohë ajo e kishte larguar nga shtëpia.
E mitura është në gjendje shoku pasi ka parë çfarë ka ndodhur, ndërsa tre fëmijët e tjerë në familje kanë parë grindjen e prindërve të tyre. Një fqinj i çiftit ka treguar për MEGA-n atë që pa menjëherë pas krimit brutal.
“Pashë një dritare të thyer dhe një grua të mbuluar me gjak. Një infermiere erdhi për t’i matur pulsin, ajo nuk kishte puls dhe pastaj pashë fëmijën e saj, ajo po i mbante qafën.”
Fqinji është shprehur se kishte parë edhe 40-vjeçarin duke ikur me vrap, i cili ishte kthyer në rrugicën e parë dhe që atëherë vijon i zhdukur.
“Pashë një zotëri që vraponte këtu me një mjet të mprehtë në dorë, duke shkuar përpara dhe duke bërtitur ‘po më ndjekin’, zbathur.”
Policia vijon me kërkimet për të gjetur autorin e krimit, ndërsa në hyrje të pallatit, oficerët e Policisë Rrugore mblodhën prova të vrasjes. Oficerët e Nëndrejtorit të Sigurisë janq përqendruar pamjet filmike nga kamerat e sigurisë të vendosura përreth rrugëve Konstanta dhe Gladstonos.
40-vjeçari është akuzuar në të kaluarën për pjesëmarrje në një organizatë kriminale dhe shkelje të ligjeve për drogë, ndërsa në fund të qershorit 2025 ai u transferua me urdhër të prokurorit në një klinikë për ekzaminim psikiatrik, ku qëndroi për shtrim në spital.
