Në mes të krizës së thelluar politike dhe bllokadës institucionale që ka kapluar Kosovën, avokati Arianit Koci ka ndërmarrë një akt simbolik proteste duke rruar kokën, në shenjë revolte ndaj situatës së krijuar.
Dështimi për herë të 50-të i konstituimit të Kuvendit dhe mungesa e kompromisit ndërmjet partive politike për postin e kryetarit të Kuvendit, ka nxitur reagimin e Kocit, i cili e ka cilësuar këtë gjendje si “të papranueshme për një shtet demokratik”.
“Institucionet janë bllokuar, qytetarët janë lënë në mëshirë të fatit, ndërsa politika ka humbur çdo ndjeshmëri ndaj përgjegjësive të saj,” deklaroi ai. Me veprimin e tij, Koci synon të tërheqë vëmendjen ndaj pasivitetit politik dhe të nxisë reflektim për tejkalimin e krizës.
Aktiviteti i tij është bërë viral në rrjetet sociale dhe po përmendet si një nga reagimet më të forta individuale ndaj gjendjes aktuale politike në vend.
