Fichajes raporton se Real Madrid do të tentojë në verë transferimin e Alessandro Bastoni, pavarësisht se do të jetë shumë e vështirë që Inter të heq dorë prej një nga lojtarëve më të mirë.
Me një stil elegant loje, menaxhim të mirë të topit dhe aftësi për të udhëhequr mbrojtjen, italiani do të përshtatej në mënyrë të përkryer te “Los Blancos”.
25-vjeçari është dëshira e madhe e Florentino Perez, presidenti madrilen është i gatshëm të paguajë klauzolën e tij që është jo më pak se 90 milionë euro.
Pavarësisht se nuk do ta ketë të lehtë për të finalizuar këtë operacion, Perez ka treguar që është “mjeshtër” i goditjeve të mëdha. Për ta bërë më të lehtë transferimin, Perez mund të “sakrifikojë” edhe 1 ose 2 lojtarë nga të tijtë.
Transferimi i Bastoni-t do të ishte një garanci për disa vite për qendrën e mbrojtjes te Real-i dhe italiani do të krijonte një dyshe perfekte me Rudiger.
