Teksa komentonte atentatin në Rinas, një nga zonat me nivelin më të lartë të sigurisë në vend, deputeti i Partisë Socialiste Ardit Bido, thotë se vrasje ndodhin kudo në botë.
“Vrasje të tilla mafioze ndodhin në çdo vend të botës. 2025 është edhe në Amerikë si vjet dhe në Amerikë kanë ndodhur vrasje të tilla mafioze.
2025 në Amerikë me 2025 në Shqipëri nuk bën ndonjë diferencë. Sa ekziston krimi i organizuar do të ketë edhe ngjarje të këtij lloji. Nuk është ky treguesi i vetëm nëse Shqipëria është një vend i sigurt apo jo.
Janë një sërë faktorësh që janë tregues. Në treguesit e kriminalitetit, Shqipëria nuk radhitet në vendet e rriskuara më të larta”, tha Bido në Vizion Plus.
“Krahasimi është pa vend. Amerika është me 200 milionë banorë. Një kontinent më vete. Ne jemi një lagje”, iu përgjigj gazetari Mentor Kikia.
Vitet më parë, një deklaratë të ngjashme e ka bërë edhe ministrja aktuale e Jashtme, Elisa Spiropali, duke shtuar se për krime bëheshin edhe filma.
“Ngjarje të tilla bëhen dhe filma,” tha ajo.
