Lajm i shkëlqyer për parizienët.
Ousmane Dembele ka shumë gjasa të bëjë rikthimin e tij në fushë në ndeshjen e raundit të 5-të të Ligës së Kampionëve, ku PSG do të përballet me Tottenham-in.
Në konferencën para ndeshjes, trajneri Luis Enrique konfirmoi se fituesi i Topit të Artë 2025 është përfshirë në listën e skuadrës dhe do të jetë i gatshëm për përballjen.
Pas dëmtimit në kofshë (hamstring) kundër Bayern-it, pjesëmarrja e Dembele kishte qenë e pasigurt. Megjithatë, Enrique deklaroi se francezi do të jetë pjesë e listës së zgjeruar, ndonëse ende nuk dihet nëse do të jetë titullar. Pritet që ai ta nisë nga stoli dhe të futet gjatë ndeshjes.
Ndeshja PSG – Tottenham luhet të mërkurën, më 26 nëntor, në Paris, nga ora 21:00.
