Reshjet e dendura të shiut gjatë natës kanë shkaktuar një situatë problematike në zonën e Fushë-Krujës. Lumi Ishëm ka dalë nga shtrati, duke bllokuar disa rrugë në fshatrat Murqinë dhe Mallkuç.
Kjo ka sjellë prurje të konsiderueshme uji, duke përmbytur dhjetëra hektarë tokë bujqësore. Sidoqoftë, deri tani nuk ka informacione për banesa të përmbytura në zonë.
Komuniteti përballet me vështirësi në qarkullimin për shkak të bllokimeve të rrugëve, ndërsa autoritetet po monitorojnë situatën.
