E ardhmja e Dayot Upamecano ka qenë prej kohësh temë spekulimesh, por gjithçka tregon se mbrojtësi francez do të vazhdojë karrierën në Mynih.
Sipas informacionit të gazetarit Christian Falk, palët janë shumë pranë një marrëveshjeje për rinovimin e kontratës. Bayern dhe lojtari kanë arritur të zgjidhin çështjet e mbetura dhe janë dakordësuar për shumicën e pikave më të debatueshme, përfshirë bonusët dhe klauzolat e largimit. Njoftimi zyrtar i marrëveshjes pritet të vijë së shpejti.
Upamecano është një nga lojtarët kyç të Bayernit. Këtë sezon ai ka zhvilluar 21 ndeshje në të gjitha garat dhe ka shënuar 1 gol.
Ndërkohë, Bayern e mbylli pjesën e parë të sezonit si “kampion i Krishtlindjeve”, me 41 pikë pas 15 javësh dhe me një avantazh 9 pikë ndaj vendit të dytë.
