Gjatë mbrëmjes së sotme në Fan Club, Danja foli për përjetimet e saj pas daljes nga shtëpia e Big Brother VIP Albania 4. Ajo tregoi se ka pasur një bisedë me partnerin e saj Redi, rreth lajmeve që kanë qarkulluar në rrjet, si edhe për gjithçka që ka ndodhur brenda shtëpisë gjatë qëndrimit të tyre atje.
Sa i përket raportit me G Banin, Danja u shpreh se nuk kanë pasur as përshëndetje mes tyre pas daljes. Ish-banori reagoi ndaj kësaj deklarate duke thënë se nuk i intereson të ketë një shoqëri me Danjën, pasi sipas tij, ajo ka qenë agresive ndaj tij gjatë qëndrimit në shtëpi.
Pjesë nga biseda:
Heidi: Çfarë bisedove me Redin pas daljes nga shtëpia?
Danja: Më tregoi për të gjitha lajmet që kishin qarkulluar jashtë, folëm për gjithçka që ka ndodhur brenda, dhe natyrisht pati edhe shumë dashuri. Me G Banin nuk u përshëndetëm fare sot.
Heidi: G Bani, a do ta doje shoqërinë e Danjës jashtë shtëpisë?
G Bani: Brenda në lojë doja të kishim një raport shoqëror, por Danja jo vetëm që nuk ishte e interesuar, por u tregua edhe shumë agresive ndaj meje. Kështu që nuk kam nevojë për një shoqëri të tillë jashtë.
Heidi: A është e vërtetë që Redi ka kontaktuar prindërit e tu për situatën që keni pasur me Danjën brenda në shtëpi?
G Bani: Po, dhe mendoj se ka vepruar me të drejtë. E ka bërë në një mënyrë shumë të matur dhe dinjitoze.
