Këto janë pamjet që shfaqin momentin kur një fadromë e IKMT-së u sulmua me molotov në Theth gjatë ditës së djeshme në një moment tensioni mes banorëve dhe forcave shtetërore. Incidenti ndodhi gjatë operacionit për shembjen e ndërtimeve pa leje në atë zonë.
Në video shikohet momenti kur një shishe molotovi godet fadromën, ndërkohë që disa efektivë të policisë, që shoqëronin aksionin, tërhiqen me vrap nga vendi i ngjarjes, pavarësisht se janë të armatosur.
Në video dëgjohet gjithashtu zëri i Fatmir Metajt, kreut të Inspektoratit të Mbrojtjes së Territorit, i cili përdor fjalë fyese ndaj njërit prej pjesëmarrësve në ngjarje: “A të q** robt.”
Ky incident ka ndodhur gjatë një periudhe të tensionuar mes banorëve dhe autoriteteve, që kanë kundërshtuar shembjen e ndërtimeve pa leje në këtë zonë, ku për disa ditë me radhë ka pasur protesta dhe reagime të forta.
