Këto janë pamjet e aksidentit të rëndë të ndodhur sot në rrethrrotullimin që lidh bypass-in e Fierit me Levanin dhe dy autostradat kryesore të jugut të vendit. Dy automjete që lëviznin në të njëjtin sens janë përplasur me njëra-tjetrën, pasi dyshohet se drejtuesi i një fuoristrade, shtetasi Ilir Pujo, ka humbur kontrollin e mjetit. Ai ka deklaruar se humbi ndjenjat për shkak të një problemi shëndetësor.
Si pasojë e përplasjes së fortë, ka humbur jetën drejtuesi i autoveturës, Luftar Braçja, 51 vjeç, ndërsa bashkëshortja e tij ndodhet në spital jashtë rrezikut për jetën.
Nga aksidenti janë plagosur edhe tre pasagjerë të tjerë që udhëtonin në fuoristradë, përfshirë edhe drejtuesin e saj. Të gjithë janë dërguar në spitalin e Fierit dhe ndodhen në gjendje të qëndrueshme shëndetësore.
