48-vjeçari, Alban Mansaku është arrestuar këtë të premte nën akuzën, “Dhuna në familje”.
Nuk kanë fund rastet tronditëse në Shqipëri. Një ditë më parë u raportua për rastin në Fier, ku djali tentoi të digjte prindërit, ndërsa sot në Zall-Dajt, Tiranë, një i ri akuzohet për abuzim të vazhdueshëm ndaj nënës së tij.
48-vjeçari Alban Mansaku, banor i zonës, është raportuar se ushtron dhunë sistematike ndaj nënës së tij, Razie Mansaku. Në videon e publikuar nga mediat, ai e tërheq zvarrë dhe përdor gjuhë fyese e ofenduese ndaj saj.
Raportohet se Mansaku ishte në gjendje të rënduar nga alkooli dhe droga, ç’ka ka kontribuar në përkeqësimin e sjelljes së tij agresive ndaj nënës. Abuzimi raportohet të ketë ndodhur në mënyrë të përsëritur.
