Analisti politik nga Kosova, Argjend Zejnaj, është shprehur se ka shumë informacione se vizita e shefit të CIA-s në Serbi, parandaloi luftën që kishte përgatitur Beogradi të niste në Kosovë.
Komentet Zejnaj i bëri në A2 CNN, ku tha se Kosova duhet t’i qëndrojë besnike aleancës me SHBA-të. Ai tha gjithashtu se sipas burimeve nga SHBA-të, destabilizimi në rajon ishte përgatitur me ndihmën e Rusisë dhe Kinës, për interesa të këtyre të fundit.
“Ne nuk duhet të ndërtojmë strategji kundër aleatëve, por të lidhemi me SHBA-të si aleati kryesor i joni. Ato që ka thënë zoti Trump dhe që u parafrazuan edhe nga Presidentja Osmani gjatë një konference, është që Trump ka thënë që situata aq ka qenë e tensionuar dhe unë e besoj diçka të tillë që situata ka qenë e tensionuar dhe vijon të jetë e tensionuar në veri, në pikën kufijtare mes Kosovës e Serbisë.
Trump ka thënë që e ka shpëtuar këtë situatë, duke i dhënë shansin Kosovës dhe Serbisë që të ulen dhe të bisedojnë në aspektin ekonomik. Trump e ka ndalur një konflikt që do të shpërthente, duke e fuzionuar Rusia dhe elementët kinezë këtë destabilitet, për llogari të tyre. Dhe ne si Kosovë nuk duhet t’i tregojmë aleatit tonë SHBA që ne jemi më të informuar se ju. Duhet të kujtojmë se me kë e kemi krijuar shtetin tonë të Kosovës. Fjalët e Trump për parandalimin e një lufte janë ambligue, për të treguar se ai po e sheh rajonin me syrin e detabilitetit.
Keqkuptimi i Osmanit me Grenellin ka përkeqësuar imazhin e Kosovës në rrethin e ngushtë të Trump. Serbia nuk guxon ta ndërmarrë një sulm ndaj Kosovës dhe kjo vjen nga mbështetja dhe qortimi që e ka marrë nga SHBA me vizitën e ish-shefit të CIA-s vitin e kaluar dhe aty i janë treguar vijat e kuqe.
Nga hulumtimet tona, ne e shohim se një strategji e Serbisë ka qenë duke u përgatitur, prandaj ka ndodhur Banjska si diçka e vogël, për shkak se i ka dalë nga kontrolli dhe janë kuptuar nga aleatët tanë se diçka e madhe po përgatitej nga Serbia dhe vizita e shefit të CIA-s e ka parandaluar. Ka parandaluar një sulm të mundshëm klasik të Serbisë në Kosovë”, tha mes të tjerash Zejnaj.
