Ministri i Shtetit për Marrëdhëniet me Parlamentin, Taulant Balla ka replikuar me kryetarin e Partisë Demokratike Sali Berisha, i cili tha se Udhëheqësi i fushatës së presidentit të SHBA Donald Trump, Chris LaCivita që tani do të drejtojë fushatën e Partisë Demokratike për zgjedhjet e 11 majit ka deklaruar se miku i Amerikës është Berisha dhe PD.
Balla tha se deklaratat e tij nuk mund të merren për bazë pasi Sali Berisha e ka paguar për të bërë fushatë. Ai gjithashtu bëri me dije se kreu i qeverisë Edi Rama do të takohet me Presidentin e SHBA-së, Donald Trump këtë vit, ndërsa në vitin 2027 Presidenti i SHBA-së pritet të vizitojë Shqipërinë në kuadër të samitit të NATO-s që do të mbahet në vendin tonë.
Balla: Përmende një zotëri amerikan të cilin e ke marrë me pagesë. E ke paguar që të vijë të të bëjë një punë. Çdo deklarim i zotërisë nuk vlen sepse është i paguar për këtë punë. Çdo formacion politik në botë merr njerëz që financojnë fushatën. Bëni mirë të cepozitoni në KQZ kontratën që keni me zotërinë. Ftesa jonë është që nesër në Komisionin e Ligjeve të votohen ndryshimet në kodin zgjehdor, ia kemi borxh shqiptarëve në diapsorë.
Faleminderit atyre që e kanë mbyllur me sukses aplikimin dhe janë miratuar, faleminderit edhe atyre 23 mijë që kanë aplikuar, por nuk kanë paraqitur dokumentin. Riaplikoni. Vazhdoni regjistrohuni në KQZ dhe të vazhdojmë përpara rrugën që kemi nisur, anëtarësimin e Shqipërisë në BE. Rama do takohet këtë vit me Rpesidnetin Trump dhe në 2027 e presim të vijë në Shqupëri në kuadër të samitit të NATO-s.
