Prej më shumë se një jave, ujërat e Liqenit Artificial në Tiranë kanë marrë ngjyrë të gjelbër.
Sipas ekspertëve të mjedisit dhe analizave të kryera deri më tani, mendohet se liqeni ka marrë këtë ngjyrë për shkak të disa cinobaktereve helmuese që janë zhvilluar këtu.
“Këto baktere janë sinjale të ndotjes së madhe që vjen nga ujërat e papërpunuara të cilat grumbullohen në mënyrë të vazhdueshme në liqen”, thonë ekspertët.
Këto alga konsumojnë oksigjenin e tretur në ujë që shërben për jetesën e kafshëve dhe bimëve brenda liqenit, e për pasojë shkakton ngordhjen e pjesës më të madhe të këtyre gjallesave. Aroma që çlirohet në mjedis është shumë e rëndë dhe tepër e pakëndshme.
Marrja e masave të menjëhershme për pastrimin e ujit duket se është diçka emergjente për ruajtjen e ekosistemit.
