Ariana Grande ka tërhequr sërish vëmendjen e publikut për shkak të pamjes së saj të dobët gjatë paraqitjes në shfaqjen e filmit muzikor “Wicked: For Good”.
Ajo zgjodhi një fustan rozë nga Andreas Kronthaler për markën Vivienne Westwood, i përbërë nga një bluzë me mëngë të gjata dhe një fund voluminoz në ngjyrë ciklamen.
Flokët i kishte të kapura në topuz, por kjo pamje nuk ishte shkaku kryesor i reagimeve intesive në rrjetet sociale.
Shumë përdorues në Twitter shprehën shqetësim lidhur me shëndetin e saj, duke sugjeruar se ajo mund të ketë nevojë për ndihmë.
Këngëtarja ka mohuar në të kaluarën këto insinuata, duke e përshkruar pamjen e saj aktuale si një version “të shëndetshëm” të vetes.
Ajo tha gjithashtu se më parë kishte marrë ilaçe për depresion dhe apeloi tek fansat që të kenë kujdes me komentet e tyre, pasi ato mund të dëmtojnë ndjenja të tjerëve, edhe nëse janë motivuar nga një qëllim i mirë.
Ekspertët e shëndetit kanë theksuar se një formë e theksuar e sternumit dhe faqe të fundosura mund të jenë indicie të kequshqyerjes ose problemeve të tjera më serioze shëndetësore.
Kjo është shtuar në diskutimet rreth mirëqenies së Arianës dhe presionit që artistët përballen në industrinë e argëtimit për të përmbushur standardet e pamjes fizike.
Debati mbi shëndetin e artistëve vazhdon të jetë një temë e ndjeshme dhe e rëndësishme, sidomos në një kohë kur gjithnjë e më shumë individë po flasin për ndikimin që ka industria e argëtimit mbi mirëqenien emocionale dhe fizike të personave të njohur.
Pamja e Arianës ka nxitur diskutime të reja se sa e rëndësishme është të flasim hapur për këto çështje dhe të krijojmë një ambient më mbështetës për ata që luftojnë me probleme shëndetësore.
