Calum Turner ka bërë një deklaratë emocionuese për marrëdhënien e tij me këngëtaren Dua Lipa, shprehur se dëshira e tij më e madhe është të qëndrojnë së bashku përgjithmonë. Çifti i dashuruar u përfshi në një intervistë për emisionin Etalk, ku Turner theksoi se qëllimi i tyre është thjesht të janë bashkë përjetësisht.
Lidhja e tyre ka filluar në janar 2024 dhe ka marrë vëmendje të madhe pas thashethemeve të fejesës që u shfaqën në dhjetor të atij viti, kur Dua publikoi foto me një unazë diamanti. Konfirmimi zyrtar i fejesës erdhi në qershor në një intervistë për British Vogue, ku Dua shprehu emocionet e saj duke thënë: “Po, u fejuam. Ky vendim për t’u plakur së bashku është një ndjenjë e veçantë”.
Një burim i afërt me çiftin tha për revistën People se ata po e shijojnë periudhën e fejesës dhe nuk kanë urgjencë të planifikojnë martesën. “Dua është e çmendur pas Calumit. Ata kanë diskutuar për të ardhmen, por ende nuk kanë filluar me detajet e dasmës,” theksoi burimi.
Një aspekt interesant i kësaj lidhjeje është vendimi i çiftit për të krijuar një kompani të përbashkët, TwentyTwo Films Limited, e cila do fokusohet në prodhimin e filmave artistikë dhe shfaqjeve televizive. Të dy, Dua dhe Calum, zotërojnë aksione të barabarta në këtë kompani. Sipas një burimi nga The Sun, ata janë dy individë shumë ambiciozë dhe kanë plane të shumta për projekte që duan të realizojnë së bashku. Dua, e cila ka pasur eksperienca në botën e filmit, dëshiron gjithashtu të ketë më shumë kontroll krijues mbi projektet në të cilat do të angazhohet.
Meqenëse janë ende në fillimet e marrëdhënies së tyre dhe planet janë në proces, çdo gjë duket se është në lëvizje për çiftin e njohur, i cili po ecën drejt një të ardhmeje premovuese si në jetën personale ashtu edhe në atë profesionale.
