Analisti Andi Bushati ka hedhur të drejtpërdrejta ndaj mënyrës se si funksionon procesi elektoral në vend, duke theksuar se problemi i zgjedhjeve nuk është çështje e një dite apo e një jave, por një proces i deformuar që zgjat prej vitesh.
Më tej Bushati tha se në zgjedhjet e 11 Majit, nuk bëhet fjalë për manipulime të minutës së fundit, por për një kapje sistematike të shtetit nga partia në pushtet, që e ka zhveshur garën nga çdo frymë demokracie.
“Unë e kam thënë para se të ndodhte dhe bëmë edhe debat bashkë. Nuk kishte dyshim sepse sot thonë, domethënë, se thonë jo filloi të kërkojnë gjilpërën në kashtë, jo krimi nuk ishte aq sa të deformonte rezultatin, jo përdorimi i administratës nga Rama. U bë po nuk ishte aq sa të ndryshonte rezultatin. Arsyet janë më të thella.
Unë them që zgjedhjet nuk janë vjedhur as ditën e fundit, as katër ditët e fundit e as katër muajt e fundit. Ky është një proces 4 vjeçar. Pra, fakti që ne nuk kemi zgjedhje sot por kemi votime, është një proces katër vjeçar.
PD pretendon se, komisioni thotë që u mungojnë 130 mijë fletë votimi. Tani, se ku kanë shkuar, se ka janë përdorur etj etj, por unë them se edhe sikur ti heqin këto fletët… po të shohësh, përdorimi i drejtësisë, shkatërrimi me anë të SPAK-ut të një partie që dikur kishte 200 mijë vota e më pas 100 mijë vota si LSI. Izolimi i Berishës për një vit. Gjithë ajo stërzgjatja e çështjes së vulës, etj. Pra, PD nuk ka garuar me një rival politik siç garohet në zgjedhjet e vendeve demokratike. Ka garuar me një parti-shtet dhe shtet që ka administratën, ka drejtësinë, kontrollon biznesmenët. Kontrollon mediat. Prandaj, është absurde që të mendosh në këto kushte se ka pasur qoftë edhe minimumin e zgjedhjeve normale.
Ajo që më çudit mua këtu, nuk është kontestimi i PD, pavarësisht nga 1000 defekte që mund të ketë PD me listat, me Berishën, e me të gjitha…
Problemi është dhe pyetja sot që shtrohet, është që: këto partitë e reja që dolën me nga 1 apo njëra me dy deputetë. Këtyre u duken zgjedhje normale?
Pra, Adriatik Lapaj që thoshte do fitoj 13 deputetë dhe doli me 1. Këto zgjedhje i quan normale?
Agron Shehaj apo Lëvizja Bashkë, këto zgjedhje i quan normale?
Pra, këtu nuk është problemi i PD. Këtu është problemi i gjithë forcave politike që garuan dhe vetë neve si qytetarë që duhet të kemi një respekt për votën tonë. A votohet dot normalisht në Shqipëri?
Unë them që në Shqipëri po votohet, por zgjedhje nuk ka dhe kjo është e vlefshme për të gjithë”, tha Bushati në Syri TV.
