Një ngjarje e rëndë ka ndodhur pak minuta më parë në lagjen nr. 4 të qytetit të Sarandës, ku një grua ka pësuar plagë me thikë në bark nha bashkëshorti i saj.
Ajo është identifikuar si Miranda Budini dhe është transportuar menjëherë në Spitalin e Sarandës për ndihmë mjekësore. Sipas informacioneve të para, Budini ka marrë ndihmën e parë dhe ndodhet jashtë rrezikut për jetën.
Ndërkohë, shkaqet e incidentit mbeten ende të paqarta, ndërsa policia ka nisur hetimet dhe ka organizuar kërkime për kapjen e autorit të ngjarjes.
Njoftimi i policisë:
Sarandë/Informacion paraprak
Rreth orës 17:40, në banesën e tij në lagjen nr. 4, Sarandë, dyshohet se shtetasi A. B., 55 vjeç, ka plagosur bashkëshorten e tij, shtetasen M. B., 51 vjeçe, me një mjet prerës (thikë).
Ajo është dërguar në spital dhe aktualisht ndodhet jashtë rrezikut për jetën. Shërbimet e Komisariatit të Policisë Sarandë po vijojnë kërkimet në zonë për kapjen e autorit.
Grupi hetimor është angazhuar për zbardhjen dhe dokumentimin e plotë të ngjarjes.
