Një ngjarje e pazakontë ka ndodhur në Livorno të Italisë, ku një burrë ka paditur ‘bashkëshorten’ e tij në gjykatë, pasi prentendon se ajo në të vërtetë është një burrë.
Ata kanë plot 18 vite që jetojnë me njëri-tjetrin, por tashmë bashkëshorti prentendon se ka zbuluar se gjinia biologjike e bashkëshortes së tij, që në lindje ka qenë mashkull. Ai thotë se edhe pse kanë kaq vite bashkë, partnerja ia kishte mbajtur të fshehtë këtë fakt.
Por gjykata i ka mohuar këto pretendime të ngritura nga bashkëshorti, duke thënë se procedurat e divorcit do të vazhdojnë rregullisht. Megjithatë të dy bashkëshortët kanë dhënë dëshmi të ndryshme dhe kontraditore.
Vendimi i Gjykatës në lidhje me kërkesën për anulim të kontratës së martesës thotë se mosnjohja e gjinisë së bashkëshortit në lindje “nuk mund të cilësohet as si gabim në lidhje me identitetin e personit dhe as si një gabim thelbësor në lidhje me cilësitë personale të bashkëshortit tjetër”, siç raportohet nga Corriere della Sera.
Kjo është arsyeja pse bashkëshortit iu refuzua anulimi i kontratës, pavarësisht se burri tha se po ta dinte më parë, nuk do të kishte dhënë pëlqimin për dasmën.
