Raporti prej 46 faqesh i Misionit të OSBE/ODIHR evidenton intesitetin e etiketimeve e akuzave mes liderëve politikë shqiptarë gjatë fushatës elektorale. Kryeministri Edi Rama, gjatë kësaj periudhe 30 ditëshe, e ka quajtur shpesh liderin e opozitës, Sali Berisha, “bufi i kënetës”, një term që tregon përbuzje dhe nënvlerësim. Në përgjigje, Berisha ka etiketuar Ramën si “Antikrisht” dhe e ka akuzuar atë për drejtimin e një “narkodiktature”.
Raporti thekson se Rama shpesh e ka qarshuar Berishën dhe opozitën e tij me terma të ngjashëm, duke përdorur shprehje si “qenie kënetash” për t’i përçmuar ata. Kjo dinamikë e sulmeve verbale mes të dyve ilustron tensionin politik të lartë që karakterizon skenën shqiptare. Në përpjekjet për të minuar njëri-tjetrin, liderët kanë arritur deri aty sa të përdorin terma të tillë, që tregojnë më shumë për rivalitetin e tyre, sesa për një debat politik të matur e konstruktiv.
Për më tepër, Agron Shehaj, kreu i Partisë Mundësia, ka akuzuar Adriatik Lapajn, udhëheqësin e Lëvizjes Shqipëria Bëhet, për përfitime nga marrëveshje të brendshme, duke e akuzuar për konflikt interesi në cilësinë e tij si avokat. Në përgjigje, Lapaj ka ngritur një padi për shpifje, duke theksuar se akuzat e Shehajt janë të pabaza dhe tendencioze.
Ky raport i Misionit të OSBE/ODIHR nxjerr në pah atmosferën e ndarjes dhe tensionit të thellë në politikën shqiptare, ku përballjet e ashpra janë bërë normale gjatë fushatave. Etiketimet dhe akuzat mes liderëve politikë dëshmojnë për një mjedis të thertur në komunikim, që ndikon negativisht në perceptimin e publikut mbi procesin zgjedhor dhe integritetin e tij. Në këtë kontekst, raporti ofron një pasqyrë të qartë mbi sfidat me të cilat përballet politika shqiptare në drejtim të një klimë më të shëndetshme dhe më konstruktive.
