Bryan Mbeumo ishte ndër protagonistët e fitores së thellë të Manchester United, që triumfoi 4–1 ndaj Wolves, skuadra e fundit në renditjen e Premier League. Me këtë rezultat, “Djajtë e Kuq” zgjasin në pesë ndeshje serinë pa humbje në transfertë (3 fitore, 2 barazime).
Kapiteni Bruno Fernandes udhëhoqi skuadrën me një paraqitje madhështore: ai shënoi golin e parë para pushimit dhe më pas realizoi me qetësi një penallti në pjesën e dytë. Në listën e realizatorëve u shtuan edhe Bryan Mbeumo dhe Mason Mount, duke vulosur fitoren e bindshme dhe duke çuar United në vendin e gjashtë të tabelës.
Manchester United tani përgatitet për ndeshjen e radhës, ku do të presë Bournemouth në Old Trafford, të hënën më 15 dhjetor, në javën e 16-të të Premier League.
