Huma Abedin dhe Alex Soros i dhanë fund beqarisë së tyre një ditë më parë me një dasmë për t’u mbajtur mend! Dasma e tyre madhështore u organizuar në Hamptons, ku të pranishëm ishin njerëz të rëndësishëm të politikës, biznesit e jo vetëm.
Ashtu si dhe pritej, kjo dasmë u mbajt në masa të rrepta sigurie ku asnjë “mizë” nuk lejohej të fluturonte pa lejën e organizatorëve, të cilëve çifti u kishte besuar ditën e tyre më të rëndësishme.
Por, disa gjëra nuk mund të rrinin pa dalë, qofshin ato të dala me “pikatore”. Një burim i tha revistës People se çiftit iu bashkuan yje të Hollivudit dhe personazhe VIP të Uashingtonit, përfshirë Kamala Harris , Doug Emhoff , Chuck Schumer , Hakeem Jeffries , Nancy Pelosi , Nicky Hilton Rothschild dhe Anna Wintour .
Huma Abedin me fustanin e nuses
Dasma është përshkruar si elegante, ndërkohë që ajo çfarë u ra në sy të gjithëve thuhet që ishte dashuria që Huma dhe Alex kishin për njëri-tjetrin dhe se dasmorët ishin të lumtur për ta.
Madje, sipas të njëjtave burime mësohet se disa pika shiu ranë në dasmë, por ky fakt nuk u vu re aspak nga të ftuarit të cilët vijuan ta shijojnë këtë dasmë njësoj.
Pamje nga dasma e Soros dhe Humes
“Ishte një dasmë elegante dhe intime. Të gjithë ishin jashtëzakonisht të lumtur për Humën dhe mund ta ndienin dashurinë e të sapomartuarve. Askush nuk e vuri re shiun”, tha një burim për People.
Muzika e mirë i ishte besuar grupit Boyz II Men të cilët në repertorin e tyre kanë me qindra hite të tilla si “Motownphilly”, ndërkohë që nusja, princesha e mbrëmjes vendosi që në këtë ditë magjike të saj të vishte dy fustane të personalizuara.
Ajo dukej rrëzëllitëse me një fustan elegant ngjyrë krem me supe të zbuluara, të gjatë dhe me kopsa në shpinë. Fustani i personalizuar nga Givenchy kishte një rrip me qëndisje me degë ulliri dhe me inincialet e nuses dhe të dhëndrit. Fustani i qepur nga Sarah Burton ishte një nga dy fustanet që Abedin veshi për dasmën e saj, ndërsa tjetri u dizenjua nga Erdem Moralıoğlu.
Edhe në këtë dasmë, ku figura të njohura ishin bërë bashkë, nuk munguan as dollitë. Ka qenë pikërisht kryeministri Edi Rama dhe Hillary Clinton ata të cilët ngritën dolli dhe mbajtën një fjalim të shkurtër për çiftin e sapomartuar.
Pamje nga dasma e Soros dhe Humes
E për t’u ndalur te menuja thuhet se ishin përfshirë mish viçi, karkaleca të pjekur në skarë, supë angleze me bizele të ftohta.
Ndërkohë, që na lejoni që në këtë shkrim të sjellim dhe një intervistë të shkurtës të bashkëshortes tanimë të Alex Sorosit, Huma Abedin. Para dasmës, me emocionet e një nuseje, ajo përshkroi momentin kur Alexi i propozoi për t’u martuar.
“U fejuam më 4 qershor 2024, poshtë katit pranë tavolinës së ngrënies. U shokova, jo nga fakti që ai më propozoi, por ishte koha që nuk kishte kuptim. Ishte një ditë shumë kaotike, shumë e ngarkuar, dhe unë po nisesha për një udhëtim të nesërmen. Shkova të lyeja flokët në mëngjes [dhe] më ra diçka në këmbë, kështu që kisha veshur atlete. I njihni ato ditë kur gjithçka po shkatërrohet? Dhe pastaj ai thjesht më propozoi“, tregoi ajo. Abedin i tha po Sorosit dhe mori një unazë mahnitëse me diamant të prerë në formë smeraldi.
