Donald Trump deklaroi gjatë fjalës së tij në Bordin e Paqes se ka marrë “një përgjigje shumë të mirë nga Europa”, duke theksuar se marrëdhëniet me Europën dhe NATO janë shumë të forta.
Në fjalën e tij, ai njoftoi një angazhim financiar prej 2 miliardë dollarësh për Gazën, ndërsa tha se vende si Japonia dhe Kina do të përfshihen në organizimin dhe mbështetjen e mbledhjes së fondeve, me mundësi pjesëmarrjeje edhe nga Rusia. Po ashtu, sipas tij, FIFA do të ndihmojë në grumbullimin e 77 miliardë eurove për Gazën.
Trump falënderoi gjithashtu Indonezia, Moroku, Shqipëria, Kosova dhe Kazakistani për premtimin e dërgimit të trupave dhe policisë në Gaza, me synimin për të mbikëqyrur dhe garantuar një paqe të qëndrueshme në rajon.
Në fund, ai i bëri thirrje Iran që t’i bashkohet nismës për paqen në Lindjen e Mesme, duke paralajmëruar se në mungesë të një marrëveshjeje “gjëra shumë të këqija do të ndodhin”.
“Kemi një përgjigje shumë të mirë nga Europa. Kemi një lidhje shumë të mirë me Europën dhe NATO-n. Norvegjia ka rënë dakord që të presë një event që do të presë Bordin e Paqes. Mendova që do të me jepnin Çmim Nobel për Paqen, kjo është më pak entuziaste, por nuk më intereson për çmime por për paqen.
Kam një aftësi për të ndaluar luftëra dhe do e përdor këtë aftësi. Dua që të shpëtoj jetë dhe nuk më intereson për çmime. 2 miliardë dollarë fonde për Gazën. Japonia ka premtuar që do të organizojë për të mbledhur fonde, Kina do të jetë e përfshirë, mendoj që edhe Rusia do të jetë dakord. FIFA do të ndihmojë për të mbledhur 77 miliardë euro për Gazën, mendoj që ka të bëjë me fushat. Së shpejti do të njoftojmë detajet dhe nëse mundem së shpejti do të shkoj atje. Kombet që janë këtu sot, nuk do të mbledhin thjesht para, por disa do të dërgojnë persona për të mbikëqyrur dhe siguruar një paqe të sigurt në Gaza.
Indonezia shumë faleminderit. Maroku faleminderit shumë. Shqipëria, Kosova, Kazakistani të gjithë kanë premtuar trupa dhe polici në Gaza. Mendoj që do të kemi disa njerëz shumë të mirë në atë forcë policie. Të gjitha këto vende po punojnë për një vizion që ka të bëjë me paqen në Lindjen e Mesme. Tani është koha për Iranin që të na bashkohet. Nuk duhet të bëjnë destabilitetin në rajon. Nëse nuk arrihet marrëveshja gjëra shumë të këqija do të ndodhin”, u shpreh Trump.
