Një ngjarje rëndë ka ndodhur mëngjesin e sotëm në qytetin e Fierit, ku një banesë në katin e tretë të një pallati është përfshirë nga flakët. Sipas informacioneve të para, zjarrin e ka shkaktuar një bombël gazi që ka marrë flakë.
Në momentet e para të shpërthimit të zjarrit, gruaja që ndodhej në banesë ka arritur të ndërhyjë dhe të shuajë flakët, por si pasojë kë marrë lëndime në fytyrë. Zjarrfikësit dhe ambulanca kanë mbërritur me shpejtësi në vendin e ngjarjes.
Ndërsa, banorët e pallatit janë evakuuar menjëherë nga banesat. Gruaja e lënduar është transportuar menjëherë në spitalin rajonal të Fierit, ku është duke marrë ndihmën mjekësore.
