Sekretari i shtetit në largim, Antony Blinken tha se ideja e Donald Trump për marrjen nën kontroll të Grenlandës, ndoshta edhe me forca ushtarake nuk është e mirë dhe nuk do të ndodhë.
“Mendoj se një nga propozimet bazë që sollëm në punën tonë gjatë katër viteve të fundit është se ne jemi më të fortë, jemi më efektivë, marrim rezultate më të mira kur jemi duke punuar ngushtë me aleatët tanë, duke mos thënë apo bërë gjëra. kjo mund t’i largojë ata. Duke thënë këtë, ideja e shprehur për Grenlandën nuk është padyshim një ide e mirë, por ndoshta më e rëndësishme, është padyshim një që nuk do të ndodhë. Kështu që ndoshta nuk duhet të humbim shumë kohë duke folur për të,” tha Blinken në një konferencë shtypi në Paris.
Blinken do të japë dorëheqjen sapo Joe Biden të largohet nga detyra më 20 janar. Trump ka emëruar Marco Rubio, senatorin republikan të Floridës, për ta pasuar atë.
