Presidenti Amerikan Donald Trump deklaroi të premten se nuk duhet pasur shumë keqardhje për presidentin Joe Biden, i cili këtë muaj njoftoi se është diagnostikuar me kancer.
Trump e përshkroi Bidenin si “të lig” dhe kritikoi mënyrën si është menaxhuar informacioni për gjendjen e tij shëndetësore.
“Biden ka qenë një person disi i moderuar gjatë jetës së tij. Jo një njeri i zgjuar, por disi i lig. Nëse ndjeni keqardhje për të, mos ndjeni shumë, sepse është i egër. Ajo që bëri me kundërshtarin e tij politik dhe me shumë të tjerë, Biden ka lënduar shumë njerëz, kështu që nuk ndjej ndonjë keqardhje për të,” tha Trump.
Këto deklarata vijnë pasi Trump dhe disa republikanë ngritën dyshime se Biden mund ta ketë fshehur diagnozën nga publiku. Javën e kaluar, Trump u shpreh se ishte “shumë i trishtuar” nga lajmi, por gjithashtu i “befasuar” që nuk ishte bërë publik më herët.
