Presidenti i Rusisë, Vladimir Putin, konfirmoi për herë të parë se është i dashuruar. Këtë e bëri gjatë konferencës maratonë të fundvitit, teksa u ngacmua me pyetje nga gazetarët, por nuk zbuloi shumë detaje.
Siç raportoi kanali televiziv Rossiya 1, Presidentin e pyetën gjithashtu nëse ai besonte në dashurinë me shikim të parë, të cilës Putin iu përgjigj “po”.
Një tjetër moment pikant, pavarësisht se e gjitha e kontrolluar nga Kremlini, ishte ai me propozimin që i bëri të dashurës së tij një gazetar rus.
Madje, ftoi edhe Putinin në dasmë. Gazetari mbante në duar një pankartë “A do të martohesh me mua?”.
“Je veshur sikur je gati për dasmë”, ishte komenti i Putinit.
Më pas presidenti rus zbuloi se beson në Zot dhe se njerëzit e motivojnë.
“Unë besoj në Zotin, i cili nuk do të ndalet kurrë së menduari për Rusinë”, u shpreh Putin.
