Kreu i Partisë Demokratike, Sali Berisha, ka publikuar një videomesazh në rrjetet sociale, ku deklaron se rikthimi i tij në politikë nuk ka ardhur si politikan, por si një misionar.
Në mesazhin e tij, Berisha thekson se do të vazhdojë të luftojë për vendin dhe kombin shqiptar për sa kohë të ketë forcë dhe frymë. Ai u bën thirrje qytetarëve që më 11 maj të votojnë për ndryshimin dhe për një të ardhme më të mirë për vendin.
“Kurrë nuk kam heshtur! U riktheva jo si politikan, por si misionar. Për sa kohë Zoti të më japë forcë dhe frymë, do të luftoj për vendin dhe kombin tim.
Ftoj shqiptarët të ndalojnë të keqen. Ditën e diel të bashkohemi dhe të votojmë për ndryshimin, për të ndërtuar ‘Shqipërinë Madhështore’,” shprehet Berisha në videomesazhin e tij.
