Nga Astiri, kreu i Partisë Demokratike, Sali Berisha, i bëri thirrje kryesocialistiti Edi Rama që të përballet me të në debat publik. Teksa zhvilloi një takim me banorët e Njësisë nr. 14 në Tiranë, Berisha tha se në 11 maj Rama do ta marr përgjigjen nga qytetarët.
‘I them Ramës hajde në Astir të dalim para këtyre burrave dhe grave, po ti je lloji i shpifur i censurës, njësoj si ytë atë që vari në shtyllë poetin Havzi Neza për vargjet që shkruante dhe ti ke ndaluar debatet sepse janë të gjitha kundra teje. Sepse ti nuk do debat Edi Rama, si mund të dalësh në debat dhe të justifikosh sarajet e tua më të mëdha se ato të Enver Hoxhës. Si mund të dalësh ti para qytetarëve kur kishe 380 euro të deklaruara në shtet dhe u bërë me saraje. Ndaj nuk del këtu ti dhe bënë polle prite pollin e datës 11 ku qytetarët do të japin ty atë që meriton 1 njishat e Astirit dhe të Shqipërisë do të çojnë ty atje ku e meriton’, tha ai.
Ai akuzoi qeverinë se e ka lënë këtë zonë në harresë. Berisha premtoi se, me ardhjen në pushtet, këto problematika do të trajtohen me përparësi dhe se situata do të ndryshojë që në 100 ditët e para.
Unë jam këtu sot, sepse me ardhjen në pushtet do të adresohen me emergjencë problemet që janë krijuar nga urrejtja e Edi Ramës ndaj kësaj zone do të jetë përparësi.
Kjo zonë kaq e madhe pa asnjë kopsht dhe çerdhe do të thotë të kesh urrejtje për fëmijët, të lësh një popullatë kaq të madhe pa shkollë do të thotë se urren fëmijët. Po Edi Rama nuk habit njeri, sepse ai këtë qëndrim mban edhe ndaj atyre të rinjve dhe të rejave që përballen me sëmundje në spitale që ministrave dhe drejtorët e tij i lanë pa ilaçe dhe i lanë në mëshirë të sëmundjes. Kjo situatë do të marr fund brenda 100 ditëve të para’, tha ai.
Berisha tha se Kongresi i Partisë Popullore Europiane votoi rezolutën në të cilën i jepet mbështetja më e fuqishme PD-së
‘Përshëndetjet më të përzemërta ju sjell ju qytetareve dhe qytetarëve të Astirit, të Tiranës dhe mbarë Shqipërisë nga Kongresi i Partisë Popullore Europiane në të cilin u fol për ju më shumë se për të gjithë të tjerët. Në Valencia 2 mijë delegatë që përfaqësonin 86 parti të qendrës së djathtë nga të cilat janë 14 kryeministra në Europë, votuan njëzëri rezolutën në mbrojtje të votës tuaj. Votuan rezolutën në të cilën dënohej me ashpërsinë më të madhe Edi Rama. Votuan rezolutën në të cilën i jepet mbështetja më e fuqishme opozitës shqiptare dhe PD-së. Ju jepet ju mbështetja më e madhe që keni pasur ndonjëherë që nga themelimi i kësaj partie. Miq, qëndresa juaj, angazhimi juaj, përmbysja që po i bëni narkodikaturës, po jehon në Europë dhe në botë’, tha ai.
