Kryetari i PD, Sali Berisha, ka deklaruar gjatë një takimi me qytetarët në Kombinat se partitë e reja kanë dalë hapur kundër rotacionit.
Sali Berisha u shpreh se partitë e reja duan të përfitojnë vota për të ndihmuar Kryeministrin Edi Rama.
“Opozitarët e opozitës janë klonimet më të shëmtuara, më antidemokratike që mund të bëhen. Partitë e reja kanë dalë hapur kundër rotacionit, duan të zgrapin vota nga ne për të ndihmuar Edi Ramën.
Sigurisht ke të drejtë të bësh apo të mos bësh koalicion. Por një gjë ta dini, të gjithë atyre forcave politike, jo PS-së dhe Bravës, të gjithë i kemi ftuar.
Jo se unë nuk kisha vërejtje, por prapë interesi juaj, prapë interesi i madh i vendit për të shpëtuar nga kjo e keqe.
I ftuam të vijnë në koalicion.
Jo. Çfarë thonë tani? Ne nuk duam rotacion. Duan Edi Ramën atëherë.
Rrinë për të zgrapur vota nga ne për të ndihmuar Edi Ramën.
Ky është akt i shëmtuar.“-tha Berisha.
