Kryetari i Partisë Demokratike, Sali Berisha, do të paraqitet ditën e sotem në Prokurorinë e Posaçme në orën 10:00 për të zbatuar masën e sigurisë “detyrim paraqitje”, vendosur nga Apeli i GJKKO-së në lidhje me çështjen “Partizani”.
Ndërsa një ditë më parë ai ka porositur strukturat e PD-së në Tiranë, të cilat kanë njoftuar mbështetësit për t’u mbledhur para Prokurorisë së Posaçme, ashtu si në rastet e mëparshme kur Berisha është paraqitur pranë SPAK.
Atyre u është dërguar një mesazh nga strukturat e PD-së që të mblidhen në mbështetje të ish-kryeministrit
“…Ditën e Hënë, në ora 09:30, sërish Kryetari i PD, Sali Berisha, do jetë në dyert e SKAP it. Ju lutem pjesëmarrja është me rëndësi. Në ora 09:30 përpara selisë së SKAP-it”,- thuhej në mesazhin e PD.
Kujtojmë se sipas vendimit të GJKKO, Berisha duhet të paraqitet para oficerit të Policisë Gjyqësore dy herë në muaj, të hënën e parë dhe të tretë.
