Kryeministri Edi Rama ka reaguar lidhur me lajmet që po qarkullojnë orëve të fundit sa i përket lejimit të ish-kryeministrit Sali Berisha për të udhëtuar drejt Shteteve të Bashkuara të Amerikës.
Në postimin e bërë në llogarinë e tij në “facebook”, Rama shkruan se: Thashë se ia hoqën vërtetë damkën të shpëtonte Shqipëria nga një turp i pashembullt, po aha, hiç, qenkej një tjetër nga ato talljet e Bufit me lukuninë e Kënetës, ku mbetet gjithnjë i palëkundur besimi se po e tha Bufi fluturon edhe gomari…
Trushpëlarje aq shembullore u ka bërë në tërë këto vite të shkretëve, sa që edhe kur Bufi i rrjedhur përçartet rrugëve, Këneta sheh ëndrra madhështore me rrugë qumështi dhe mëndafshi, ku oqeani bëhet kos dhe kapelja trampiste e Bufit shumëfishohet në miliona tenxhere floriri.
