Një ngjarje e pazakontë ka ndodhur pasditen e sotme në qytetin e Sarandës, në lagjen nr. 2, në zonën e njohur si “Ekonomiku”. Një automjet i markës “Benz”, i parkuar anës rrugës, ka pësuar një defekt teknik, duke lëshuar gaz në mënyrë të pakontrolluar dhe duke shkaktuar shqetësim të madh te banorët e zonës.
Menjëherë pas njoftimit për rastin, forcat e policisë dhe zjarrfikësit janë paraqitur në vendngjarje, ku po punojnë për të përcaktuar shkaqet e incidentit dhe për të garantuar sigurinë e qytetarëve.
Fatmirësisht, nuk raportohet për persona të lënduar apo dëme serioze materiale. Hetimet për zbardhjen e plotë të rrethanave vijojnë.
