Policia e Lezhës dhe Kurbinit ka zbadhur një sërë vjedhjesh dhe tentativash, duke arrestuar një prej autorëve dhe duke shpallur në kërkim tjetrin.
Në kuadër të operacionit të koduar “Last Door” është arrestuar shtetasi F. D., 25 vjeç, ndërsa është shpallur në kërkim bashkëpunëtori i tij, shtetasi M. D., 26 vjeç, të dy banues në Kurbin
Nga hetimet rezulton se ata janë autorë të:
- disa vjedhjeve me thyerje të automjeteve dhe banesave;
- tentativave për vjedhje në lokale në zona të ndryshme të Lezhës;
- vjedhjeve në bar-lokale, restorante, agjenci udhëtimi dhe supermarkete në Laç.
Gjithashtu, bëhet me dije se në momentin e arrestimit, uniformat blu i gjetën 25-vjeçarit dhe një sasi kokaine.
Policia thotë se po vijojnë hetimet për të dokumentuar edhe ngjarje të tjera ku dyshohet përfshirja e këtyre shtetasve.
Materialet procedurale janë referuar në Prokurorinë Lezhës për veprime të mëtejshme.
