Një grup tregtarësh nga tregu i Rusit në Shkodër kanë vendosur të protestojnë për rritjen e ndjeshme të tarifës mujore nga Bashkia. Pas rikonstruksionit të tregut, ata tani duhet të paguajnë 75 mijë lekë të vjetra në muaj, krahasuar me 15 mijë lekët që paguanin më parë.
Tregtarët shprehen se kjo rritje do të ndikojë tek qytetarët, pasi pritet një rritje e çmimeve të produkteve që ata shesin.
Rikonstruksioni i tregut u realizua nga Bashkia e Shkodrës në muajin dhjetor, pasi tregu i mëparshëm nuk plotësonte as kushtet më minimale për zhvillimin e aktivitetit tregtar. Edhe pse Bashkia ka mbajtur një takim me tregtarët, ende nuk është arritur një zgjidhje për këtë çështje.
