Trajneri i Anglisë, Thomas Tuchel, është përballur me një dilemë të komplikuar për të zgjedhur lojtarët që do të përfaqësojnë skuadrën në ndeshjet kualifikuese për Kupën e Botës 2026, përballë Serbisë dhe Shqipërisë.
Me Anglinë që ka siguruar tashmë një vend të garantuar në Kupën e Botës, çështja e integrimit të lojtarëve si Jude Bellingham, Phil Foden dhe Harry Kane është bërë një sfidë e vërtetë.
Tuchel theksoi se jo të gjithë këta lojtarë mund të luajnë së bashku në sistemin aktual të Anglisë. Ai shpjegoi se Foden, që nga marsi i kaluar e ka pasur të pamundur të luajë për ekipin kombëtar për shkak të lëndimeve, dhe Bellingham gjithashtu ka munguar që nga qershori.
Tani që ata janë në formë, zgjidhja e përfshirjes së tyre bëhet e vështirë, duke pasur parasysh struktura e tanishme e skuadrës. “Për momentin, nëse e ruajmë strukturën, ata nuk mund të luajnë së bashku,” tha Tuchel.
Ai përmendi një strukturë të tillë që përfshin një “gjashtë, një tetë, një dhjetë dhe një nëntë,” duke shtuar se specialistët në krah do të ishin thelbësorë për funksionimin e ekipit.
Një tjetër faktor është përmirësimi i Morgan Rogers, i cili ka qenë një lojtar kyç në mungesë të Bellingham dhe Foden, duke bërë që Tuchel të mendojë se prioritetet e tij duhet të rregullohen.
Kjo situatë lë hapur më shumë pyetje në lidhje me rolin e Foden në skuadër, duke pasur parasysh se ai nuk pritet të luajë krah siç bëntë më parë nën drejtimin e Gareth Southgate.
