Deputeti i zgjedhur i PD-së, Belind Këlliçi ka komentuar dorëheqjen e kryebashkiakut të Vlorës, Ermal Dredha.
Ai tha se Dredha është shkakruar nga kryebashkiaku i Shqipërisë Edi Rama, siç e quajti ai.
“Kryebashkiaku Edi Rama ka shkarkuar një nga drejtorët që ka pasur në Vlorë. Unë e kam thënë këtë edhe për ministrat, që Edi Rama nuk ka më as kabinet ministror, por ka vetëm drejtorë.
Ai operon me një pjesë dërrmuese të stafit që ka pasur në Bashkinë e Tiranës dikur dhe ka drejtorë për ujërat e zeza, drejtorë për ujërat e bardha, ka drejtorë për rrugët, ka drejtorë për marrëdhëniet me jashtë. Këto janë çështje administrative të vogla pasi kryebashkiaku i Shqipërisë Edi Rama kështu ka menduar”, tha Këlliçi.
Më tej ai tha: Dikush të njoftojë zyrtarisht Ermal Dredhën që ka dhënë dorëheqjen nga Bashkia e Vlorës, sepse po njihemi nga mediat që ka dhënë dorëheqjen. Me siguri ia ka shkruar vetë Edi Rama dorëheqjen. Mund të ketë edhe ndonjë kryebashkiak tjetër që jep dorëheqjen sonte, sepse me sa duket po përgaditet skenari për ditën e nesërme për njoftimin që do të bëjë kryeministri.”
Ditën e nesërme pritet të mbahet Asambleja e Partisë Socialiste, ku do të prezantohen edhe emrat e qeverisë së re Rama 4.
