Nga Selaniku ku kreu i PD, Sali Berisha zhvilloi një takim me diasporën i bëri thirrje atyre që të votojnë për ndryshimin. Në fjalën e tij, Berisha u ndal edhe tek çështja e eurodeputetit Fredi Beleri, të cilit nuk iu lejua të bëjë betimin si kryetari i bashkisë Himarë, pasi ishte në burg.
Berisha u shpreh se kjo ndodhi per shkak se Fredi Beleri nuk pranoi të shitej dhe te kandidonte per Partine Socialiste.
“Duhet të pranojmë se akti i dy viteve më parë, i narkodiktatorit të Tiranës, Edi Rama ndaj eurodeputetit Fredi Beleri është një nga aktet më të shëmtuara të demokracisë, demokracive evropiane. Rama përdori truket e sigurimit të shtetit për ti rrëmbyer mandatin Fredi Belerit. Kjo vetëm e vetëm se Fredi Beleri nuk pranoi të shitej, nuk pranoi të kandidojë për Edi Ramën. Jo i tha, nuk tradhtoj ato parimet e mia. Diskriminues, pse? Sepse çdo njeri tjetër para Belerit që ndodhej i burgosur është lejuar të bëjë betimin. Sepse kushtetuta e lejon të bëjë betimin. Rama mori cdo masë kundër tij, sepse e dinte sepse nga 225 mijë metra katror tokë që po grabit, Fredi Beleri nuk di ti jepte asnjë metër”, tha Sali Berisha.
Pjese nga fjala e Berishes
Marrëdhëniet midis dy vendeve dhe kombeve tona janë marrëdhënie miqësore. Jemi të vetëdijshëm, marrëdhëniet midis fqinjëve njohin gjithnjë ulje dhe zbritje. Por duhet të pranojmë miq se, akti i dy viteve më parë i narkodiktatorit të Tiranës Edi Rama, ndaj eurodeputetit, Fredi Beleri, është një nga aktet më të shëmtuara në historinë e demokracive europiane.
Edi Rama përdori truket e vjetra të Sigurmit të Shtetit, përdori të njëjtët elementë për t’i rrëmbyer Fredi Belerit mandatin që i dhanë qytetarët e Himarës. Dhe kjo, vetëm e vetëm se, Fredi Beleri, nuk pranoi të shitej, nuk pranoi të kandidonte për Edi Ramën. Jo, i tha, unë jam i djathtë. Unë nuk tradhëtoj ato parime të miat.
E vërteta është se, prapa qendrimit antikushtetues, qendrimit të shkelmimit të Kartës Europiane të të Drejtave të Njeriut që u mbajt ndaj Fredi Belerit, diskriminues. Pse diskriminues?
Çdo njeri tjetër para Fredi Belerit që ndodhej i burgosur është lejuar të bëjë betimin, sepse Kushtetuta e lejon të bëjë betimin, kurse Edi Rama mori çdo masë kundër tij në kundërshti me Kushtëtutën, sepse e dinte nga 220 mijë katrorë tokë që po grabit të Manastirit të Skutarasë dhe të kanionit të Gjipesë, Fredi Beleri nuk do t;i jepte asnjë metër katror.
Fredi Beleri do të mbronte pronat e bashkëfshatarëve, e bashkëqytetarëve të tij. Kjo është e vërteta.
Po pse u ndala këtu? U ndala miq, për të treguar se për çfarë është e aftë mafia për interesa të vetat të bëjë, të sakrifikojë, të dëmtojë, pavarësisht statusit të gjysmë milioni shqiptarëve, marrëdhëniet me fqinjtë të cilat janë gjithnjë shumë të rëndësishme për interesa mafioze personale. Ky është Edi Rama, miqtë e mi.
