Presidenti i Republikës, Bajram Begai, ka reaguar pas shkeljes së hapësirës ajrore të Polonisë nga dronët rusë, duke i shprehur mbështetjen e plotë këtij aleati dhe duke dënuar veprimet e Moskës.
Në një postim në rrjetet sociale, kreu i shtetit theksoi rëndësinë e unitetit dhe solidaritetit brenda NATO-s përballë sfidave të sigurisë në Evropë.
“Shqipëria dënon shkeljen e hapësirës ajrore të Polonisë nga Rusia. Shprehim solidaritet të plotë me Poloninë dhe përshëndesim reagimin e saj, në bashkëpunim me NATO-n, për të parandaluar përshkallëzimin. Shqipëria mbetet e përkushtuar ndaj unitetit të Aleancës dhe garantimit të mbrojtjes kolektive të të gjithë aleatëve,” shkruan Begaj.
