Takimi i zhvilluar në Alaska midis presidentit amerikan Donald Trump dhe presidentit rus Vladimir Putin nuk prodhoi atë që Trump kishte shpresuar, një armëpushim nga Rusia.
Megjithatë, Putin përfitoi shumë, një mikpritje me tapet të kuq, një ditë në qendër të skenës gjeopolitike, dhe mundësinë për të ndarë skenën me liderin e vendit më të fuqishëm në botë, shkruan BBC.
Kjo i dha Moskës shumë përfitime pa bërë kompromise të dukshme apo pranime mbi luftën në Ukrainë.
Në javët e fundit, Trump kishte kërcënuar se do të përdorte një qëndrim më të ashpër ndaj Rusisë për refuzimin e saj për armëpushim. Në fund të korrikut, presidenti amerikan i kishte dhënë Putin një ultimatum 10-ditor për të ndalur luftën, përndryshe do të ndëshkohej më tej.
Kremlini nuk ndaloi sulmet. Në vend të sanksioneve, Putin mori një ftesë për samit nga Trump, duke i dhënë Moskës një fitore diplomatike pa pasur nevojë të ndryshojë politikën e saj në Ukrainë.
