Bayern Munich ka fituar 3-0 ndaj Bayer Leverkusen në ndeshjen e parë për fazën e 1/16-ve në Champions League, e luajtur në “Allianz Arena”.
Goli i parë erdhi pas një kombinimi perfekt Kane-Olise-Kane, ku anglezi shënoi me kokë në minutën e 9-të pas krosimit të marrë nga francezi. Pjesa e parë u mbyll me shifrat 1-0.
Goli i dytë erdhi në minutat e para të pjesës së dytë. Pas një pasigurie nga portieri i Leverkusen, Musiala gjendej në kohën dhe në momentin e duhur, duke dërguar topin në rrjetë dhe i jep Bayern-it avantazhin e dyfishtë ndaj “Aspirinave”.
Në minutën e 62-të, miqtë mbeten me 10 lojtarë pasi Mukiele merr kartonin e dytë të verdhë dhe lë fushën e lojës. Në minutën e 75-të ishte Harry Kane që u tregua i saktë nga pika e penalltisë, e fituar nga vetë ai, dhe dërgoi topin në rrjetë. Anglezi shënon golin e dytë personal për këtë takim dhe të tretin për Bayern. SHIKO GOLAT
