Drejtuesi politik i Partisë Demokratike në qarkun e Elbasanit, Tomor Alizoti ka reaguar lidhur me ngjarjen e ndodhur në një nga zyrat elektorale të bluve në Cërrik, ku persona ende të paidentifikuar kishin vjedhur kompjuterin dhe një televizor.
Në një deklaratë për mediat, Alizoti bëri përgjegjës Partinë Socialiste duke akuzuar e paralajmëruar më tej kryeministrin dhe kryetarin e kësaj force politike, Edi Ramën, për këtë akt të turpshëm.
“Zoti kryeministër unë e di që jeni një njeri banal, e di që çdo hajdut në Shqipëri është i lidhur me ju, si Sarandë, Shkodër, Elbasan Ju jeni prirësi i hajdutëve. Keni qenë qe te gjyshi dhe deri te ju. Ju jeni vetëm banaliteti. Të jeni i sigurt që është kënaqësia jonë si PD të shtypim njerëzit banalë, kjo që keni bërë sot duke cënuar degët elektorale është një akt i turpshëm, është një akt burracak politik, por është një gjë që vetëm na vërteton se çdo hajdut në Shqipëri, çdo kriminel në Shqipëri është mik i juaji”, tha Alizoti, i cili më tej theksoi se kompjuteri i cili u vodh nga zyra elektorale e Partisë Demokratike në Cërrik përmbante listat e sigurta të votuesve demokratë.
“Thyerja e zyrës është akt politik dhe nuk bëhet për sendin por bëhet për cënimin e një zyre elektorale gjatë fushatës elektorale. Kompjuteri për ata që i njohin zgjedhjet përmban listat e sigurta të votuesve të demokratëve i cili është një informacion i PD dhe është në duart e kundërshtarit. Tani ta shohin të gjithë ata që besojnë te BE, të gjithë amabsadorët, ta shohim edhe SPAK pasaportën europiane.
Zoti kryeministër unë e di që jeni një njeri banal, e di që çdo hajdut në Shqipëri është i lidhur me ju, si Sarandë, Shkodër, Elbasan Ju jeni prirësi i hajdutëve. Keni qenë qe te gjyshi dhe deri te ju. Ju jeni vetëm banaliteti. Të jeni i sigurt që është kënaqësia jonë si PD të shtypim njerëzit banalë, kjo që keni bërë sot duke cënuar degët elektorale është një akt i turpshëm, është një akt burracak politik, por është një gjë që vetëm na vërteton se çdo hajdut në Shqipëri, çdo kriminel në Shqipëri është mik i juaji. Thirrja ime është për demokratët të qëndrojmë, thirrja ime është për qytetarët e Elbasanit dhe Shqipërisë të qëndrojmë dhe të kuptojnë që në BE nuk shkohet me xhepista dhe thyerje xhamash”, tha Alizoti.
Ndërkohë më herët, Policia e Cërrikut erdhi me një njoftim zyrtar ku bëri me dije se mëngjesin e kësaj të premte rreth orës 07:40, sekretarja e degës së Partisë Demokratike, A. Ll, denoncoi se në ambientin e marrë me qira, për qëllime elektorale, ka konstatuar se mungonin një kompjuter dhe një televizor.
Nga këqyrja paraprake në vendngjarje nuk u konstatuan thyerje apo dëmtime të objektit, por Policia po vijon punën për zbardhjen e plotë të ngjarjes.
“Rreth orës 07:40 të mëngjesit të sotëm, ka kallëzuar shtetasja A. Ll., me detyrë sekretare e degës së subjektit politik “Partia Demokratike e Shqipërisë”, Cërrik, se në ambientin e marrë me qira (lokal), për qëllime elektorale, ka konstatuar se mungonin 1 kompjuter dhe 1 televizor.
Nga këqyrja paraprake në vendngjarje nuk janë konstatuar thyerje apo dëmtime të objektit. Në drejtimin e Prokurorisë, grupi i posaçëm hetimor po punon për të sqaruar rrethanat e rastit”, njofton Policia.
