Nuk është e vështirë për të gjetur mbeturina të hedhura vend e pavend nëse shëtit nëpër periferi të Shqipërisë.
Për të denoncuar një rast të ngjashëm, sot kemi marrë zonëne Lunxherisë në Gjirokastër. Kjo foto tregon mbeturinat që janë hedhur në mjedis, në një përrua, pasi koshat mungojnë. Edhe pse është një ndër zonat më të vizituara nga turistët, Lunxheria është lënë në këtë gjëndje.
Banorët janë shprehur se nuk kanë kosha ku t’i hedhin plehrat, e për të mbajtur pastër rrugët, janë të detyruar që t’i hedhin në përroin me ujë.
Nga ana tjetër bashkia duket se nuk e ka vrarë mendjen për të ndërhyrë që të kthejë situatën në normalitet.
