Deputeti demokrat Gazment Bardhi ka akuzuar SPAK se po fsheh të vërtetën në lidhje me Olsi Ramën.
Ai tha se ndaj vëllait të kryeministrit nuk është nisur asnjë hetim
“Kam faktuar çdo të dhënë që i kam dërguar SPAK. Ajo që na ka thënë SPAK që nuk e dimë kush e ka shkruar, ka dy kundërthënie brenda një njoftimi. Fillimisht thotë që Olsi Rama nuk ka prova që është i përfshirë, nga ana tjetër flet për pezullim të çështjes. Kjo tregon se nuk ka pasur asnjë hetim ndaj shtetasit Olsi Rama. Njoftimi i SPAK përveç se është me natyrë politike fsheh të vërtetën mbi këtë dosje”, tha Bardhi.
