Barcelona ka fituar 4-3 ndaj Celta Vigo, në ndeshjen e vlefshme për javën e 32-të në La Liga. Katalanasit kanë gjetur shpejt golin me Ferran Torres që në minutën e 10-të.
25-vjeçari “shkundi” rrjetën me një goditje të fuqishme në kufijtë e zonës së rreptësisë. Miqtë nuk u demoralizuan dhe gjetën golin e barazimit 4 minuta më vonë.
Pas një kundërsulmi të shpejtë dhe daljes së gabuar të Szczesny, Celta Vigo barazon shifrat me golin e Borja Iglesias, i cili dërgoi topin në rrjetë pas asistit të Duran. Pjesa e parë u mbyll në barazim 1-1. Në fillim të pjesës së dytë, miqtë shënuan edhe dy herë të tjera me Borja Iglesias, i cili shënon kështu hat-trick ndaj Barcelonës në minutat 52′ dhe 62′. Sulmuesi i Celta Vigo-s përfitoi në të dy rastet nga mungesa e vëmendjes së mbrojtjes katalanase.
Reagimi i Barcelonës do të ishte i menjëhershëm duke barazuar shifrat me dy gola të shpejtë nga Dani Olmo dhe Raphinha në minutat 63′ dhe 68′. Pas një kombinimi të bukur mes tyre, Lewandowski pason për Raphinha-n, braziliani asiston për Olmo-n, i cili dërgon në topin në rrjetë. Për më pak se 120 sekonda, Yamal kroson në zonë, Raphinha barazon shifrat duke shënuar me kokë.
Goli i fitores së madhe për katalanasit do të vintë në minutën e tetë shtesë, ku braziliani Raphinha u tregua i saktë nga pika e bardhë e penalltisë e cila u fitua nga Dani Olmo, pasi u pnegua Brenda zonës nga kundërshtari. Një fitore me shumë vuajtje për Barcelonën por që e afron shumë drejt titullit, e cila e sheh veten momentalisht +7 pikë nga Reali i vendit të dytë, i cili do luajë nesër ndaj Athletic Bilbao-s.
