Banorët e njësisë administrative Bukmirë u mblodhën sot para bashkisë së Mirditës për të protestuar.
Ata shprehin shqetësimin e tyre për rrugën Bukmirë-Rrëshen, e cila ka pësuar dëmtime të mëdha dhe është bërë e pakalueshme, duke vënë në rrezik jetën e banorëve.
Sipas tyre, dëmtimet kanë nisur menjëherë pas përfundimit të punimeve të rindërtimit të rrugës në vitin 2017, dhe ata fajësojnë firmën e angazhuar për këtë projekt. Përveç kësaj, ata kanë kërkuar hetim edhe për ish-kryebashkiakun Ndrec Deda.
Gjatë protestës, kryebashkiaku i Mirditës, Albert Melyshi, premtoi ndërhyrje në zonat më problematike të këtij aksi rrugor.
